SUDARSANASAVAM

Madhuradravya

त्रिफला रजनीयुग्मं कण्टकारीयुगं शठी

त्रिकटु ग्रन्थिकं मूर्वागुडूची धन्वयासकः

कटुका पर्पटो मुस्तं त्रायमाणा च वालकम्

निम्ब: पुष्करमूलं च मथुयष्टी चवत्सकम्

यमानीन्द्रयवो भार्ङ्गी शिग्रुबीजं सुराष्ट्रकम् ।

वचा त्वक्पद्मकोशीरं चन्दनातिविषाबला:

शालिपर्णी पृश्नपर्णी विडङ्गं तगरं यथा

चित्रको देवदारुश्च चव्यं पत्रं पटोलजम्

जीवकर्षभकौ चैव लवङ्गं वंशलोचना ।

पुण्डरीकं च काकोली पत्रकं जातिपत्रकम्

तालीसपत्रं च तथा समभागानि चूर्णयेत्

सर्वचूर्णस्य चार्धाशं कैरातं निक्षिपेत्सुधीः

एतत्सुदर्शनं नाम चूर्ण दोषत्रयापहम् ।

ज्वराश्च निखिलान्हन्यान्नात्र कार्या विचारणा ।

पृथग्द्वन्द्वागन्तुजांश्च धातुस्थान्विषमज्वरान् ।

संनिपातोद्भवांश्चापि मानसानपि नाशयेत्

शीतज्वरैकाहिकादीन्मोहं तन्द्रां भ्रमं तृषाम् ।

श्वासं कासं च पाण्डुं च हृद्रोगं हन्ति कामलाम्

त्रिकपृष्ठकटीजानुपार्श्वशूलनिवारणम् ।

शीताम्बुना पिबेद्धीमान्सर्वज्वरनिवृत्तये

सुदर्शनं यथा चक्रं दानवानां विनाशनम्

तद्वज्ज्वराणां सर्वेषामिदं चूर्ण प्रणाशनम् ।

Sharangadhara Samhita

Get The App Now