SUDARSHANAM GULIKA

त्रिफला रजनीयुग्मं कण्टकारीयुगं शठी

त्रिकटु ग्रन्थिकं मूर्वागुडूची धन्वयासकः

कटुका पर्पटा त्रायमाणा च वालकम्

निम्बः पुष्करमूलं च मधुयष्टी च वत्सकम्

यवानीन्द्रयवो भार्ङ्गी शिग्रुबीजं सुराष्ट्रकम्

वचा त्वक्पद्मकोशीरं चन्दनातिविषा बला

शालिपर्णी पृश्नपर्णी विडङ्ग तगरं यथा

चित्रको देवदारुश्च चव्यंपत्रं पटोलजम

जीवकर्षभकौ चैव लवंगं वंसलोचना

पुण्डरीकं च काकोली पत्रकं जातिपत्रकम्

तालीसपत्रम् च तथा समभागानि चूर्णयेत्

सर्वचूर्णस्य च अर्धांशं कैरातं निक्षिपेत् सुधीः

एतान् सुदर्शनं नाम चूर्णं दोषत्रयापहं

ज्वरांश्च निखिलंहन्यांनात्र कार्या विचारणा

पृथग्द्वन्द्वागन्तुजांश्च धातुस्थान विषमज्वरान

सन्निपातोद्भवांश्चापि मानसानपि नाशयेत्

शीतज्वरैकाहिकादीन्मोहं तन्द्रां भ्रमां तृषाम्

श्वासं कासं च पाण्डुम् च हृद्रोगं हन्ति कामलाम्

त्रिकपृष्ठकटीजानु पाश्वशूल निवारणम्

शीताम्बुना पिबेद्धीमान सर्वज्वरनिवृत्तये

सुदर्शनं यथा चक्रं दानवानां विनाशनम

तद्वज्ज्वराणां सर्वेषामिदं चूर्णं प्रणाशनम ।

Sarngadhara Samhitha

Get The App Now